دق غلطان ورديت !!!!

[miss nona } ~]

مساءكم عسل وكادي

حبيت انقل لكم هالموضوع لان هالمواقف حصلت معي ومع غيري

حبيت اخذ رايكم بها !!!



.......................


يرن جوال ساره..
ألو..
هلا.. هذا جوال ساره (صوت ذكوري ماتعرفه)
لا غلطان...
طيب نوره....
:: طوط :: تقطع الخط بوجهه
((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف معاه!! ))
₪₪₪₪₪₪₪₪
دانه جالسه بالصاله مع اهلها..
يرن الجوال برقم غريب..
خذ يا أحمد _ أخوها الاكبر_ رد على جوالي رقم غريب ماعرفه،،
الو.....
هلا....
فيه أحد داق على جوالي!!
يغطي أحمد السماعه بيده،، دانه انتي داقه عليه!!!!
لا والله مادقيت!! ولا بالغلط حتى
((جوال دانه استقبال!!!!!!))
يعود للمكالمه
هلا متى دقينا على جوالك
ـــــــــــــــــــــــــ ـــــ ـــــــــــــــ
ما شالله والساعه ست ونص!!
ـــــــــــــــــــــــــ ـــــ ــــــــــــــ
لا محد داق يالنصاب ياللي فيك ومافيك
يا............ تلعب على بنات الناس
فيك خير تعال قابلني
الله ياخذ....الله.......
ويسكر أحمد ودمه يغلي ويبدى يرغي وي**د
كم مره دق!؟
قد دق عليك أحد غيره!!
((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!))
₪₪₪₪₪₪₪₪
سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،،
هلا..
هلا قلبي..
قلبك مين ياقليل الادب يالي ماتستحي يالي.. يالي.. الخ،،
أموت عـ المعصبين أنا
كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
أهلين
انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!!
<< يدخل ابوها بعد ماسمع صراخها>>
( اقفلت الخط خلسه)
من تكلمين؟!
وحده من صديقاتي!!
نامي يابنيتي ولا تكلمين باخر الليل
يقطع كلامه صوت جوالها يرن
اخذ ابوها الجوال:
هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .
((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!))
₪₪₪₪₪₪₪₪
جوال سميه دايم سبيل!!
مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
.............................. ............
الو.. الو.. ( صوت ذكوري لم تألفه )
.............................. ..
هيه ردو.. أكلم صنم انا !!
.............................. ...........
وترمي الجوال على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))
₪₪₪₪₪₪₪₪
ساره / دانه / سديم / سميه / حصه / منيره .. وكل البنات!!
يومياً تصير لنا مثل هالمواقف!!
عزيزتي الفتاهـ / اخي الشاب ،،،
في مثل هالمواقف..
* برأيكـ /ي وش التصرف السليم؟!
ترد! تحقر ! تعطي ابوها او اخوها!
*ماهو ردّ فعل ( الاخ / الاب ) في مثل هالمواقف؟!
*دق أحد يعرفكـ بالاسم وش بتسويـ /ـن؟!
*برايكـ لو كنت مغازلجي لا سمح الله وش الاسلوب الامثل
اللي يفكنا منك يالغثى عشان ماعاد تدق!!
:
:
تحاياي

[المظلوم]

انا ارى ان (( البنت )) ما ترد على اي رقم غريب

الا بعد رساله من صاحب الرقم يفيدها

بمن يكون

لانه وربما احد صديقاتها

غيّــرت رقمها

تشرف بالمرور من هنا

(( المظلوم ))

[miss nona } ~]

يعطيك العافيه ع المرور

والرأي السديد

وكلامك صحيح المفروض ماترد على اي رقم

تشكررات خيووو


تحاياي

[فديته انا]

انا برائيي انو البنت ماترد وتريح راسها احسن

ومشكوره يالغلا ع الطرح

جبتيها ع الجرح

لاعدمناكِ

دمتِ بخير~

[تكفيني الذكرى]

مشكوره اختي على طرحك وانا سوف اشاركك باسئلتك:

* برأيكـ /ي وش التصرف السليم؟!
ترد! تحقر ! تعطي ابوها او اخوها!انا اقول انها ماترد نهائيا ولا حتى تقطع لان الشباب يحبون ذا السوالف.
*ماهو ردّ فعل ( الاخ / الاب ) في مثل هالمواقف؟! اتوقع انه راح يكون مصدق البنت ونفس الوقت شاك فيها ولكن الاغلبيه واثقين ببناتهم ام الاخ بعضهم ينشبون بالبلعوم الا اكون غلطانه الله يهديهم..
*دق أحد يعرفكـ بالاسم وش بتسويـ /ـن؟!
*برايكـ لو كنت مغازلجي لا سمح الله وش الاسلوب الامثل
اللي يفكنا منك يالغثى عشان ماعاد تدق!! ان شاء الله ماصير مغازلجي ولا اصير غثا هع هع . انها ماترد علي لان كذا ابدري انها ماتبي وراح اتعب معاها (بأسلوب ذكر).


اشكرك كل الشكر اختي على طرحك.

[ملك الاحساس]

يعطيك العافيه على الطرح الرائع


فعلنا لاترد لينا تجي لها رساله تفيد لها مين المتصل وغير كذا لاترد على اي اتصال

بدون اسم

ارقى التحايا


فارس

[miss nona } ~]

يعطيكم العافيه ع المرور

بس بعض الاحيان تحتاج ترد ع الرقم

تكون مثلا مغيره جهازها ولا مستشفى يدق

يعطي مواعيد ولا شئ

ولا البنك

يعني بعض الاحيان لازم ترد ع الرقم الغريب

بس اذا دق اعطيه امك هع


تحاياي

[كلي لك]

انا من رايي ان الوحده اهي اللي تحط نفسها بهالمواقف بايدها
لان المعروووف والصح انها ماترد ع اي رقم غريب مو مخزن بالجهاز وبجذي راح تتحاشى هالمواقف حتى اللي داق وبراسه شي يطيح من حقرانها للاتصالات

[miss nona } ~]

يعطيك العافيه على المرور

تشكرررات

تحاياي

[احساس جوري]

رقم غرييييييييييب ماارد لية ارد

والي يبغاني بيرسل لي رسالة


لان يعرف ماارد ع ارقام غريبة

واتتجنب المشاكل وعور الراس

تقبل مروري

احساس جوري

[غرور الورد]

رقم ماتعرف ماترد وبس
اتووقع هذا هو الحل الانسب

[miss nona } ~]

يعطيكم العافيه ع المرور

تحاياي

[صدى الآهاااات]

انا من راي انها ترد على الرقم الغريب
وتسكت اذا كان رجال تعطي اخوها الجوال
واذ ا كانت امراه تكلمها
( لانه يمكن مكالمه ضروريه ).........
تقبلي مروري بها الصفحه
دمتي بحفظ الرحمان

[miss nona } ~]

يعطيك العافيه ع المرور

تشكرررات

تحاياي

[لمـــار]

فعلا الحل الأمثل هو السفه لأي رقم غريب
ولو احد يبغاك بيرسل لك بس المشكله
إ ذا ارسل بالاسم وطلع ولد هذي الي مالها حلإ
اهم شي ان الوحده ماتعطي فرصه لاي رقم
لانه مجرد عرف ان الرقم صاحبته بنت
تبدأ الإزعاجات وعوآر الرآس

عوآآآآآآآفي ع الطرح الوآآآقعي

[miss nona } ~]

يعطيك العافيه ع المرور

تحاياي