احساسي غير
07-17-2009, 02:04 AM
وضح القصايد لامتى وانتن رقاد = شاب السكوت وخوة الصمت صلفه
لعـلّ مايقـدح علـى كفي زنــاد = لاسقيتكـن بعـد الضمـا ذلّ وطفـه
قالت من انت ؟ وقلت يابنت الاجواد = انا القـوّي اللـي قتـل فيـك ضعفـه
وانا السهير اللـي تعـداك نشّـاد = يطرد نهار ويلهـث الصبـح خلفـه
نجمه يغيب وضيعتـه فيـك تـزداد = ولااشعل سراجه يصرخ الليل طفـه
سجين هم ولابـس ثيـاب جـلاد = نصفه ذبيح وذابح الموت نصفـه
تلميذ مهمل يشرح الدرس ل استاد = بليد واذكى مـن تلاميـذ صفـه
وانا الموقع أسمي ادناه من غـاد = الشاعر اللي طـوّع الشعـر حرفـه
اصعب حروفي لاركب راسـه عنـاد = يلّذ لـي لاهــّود الليـل عسفـه
أعزف لموتـي اغنية عيـد ميـلاد = واسمع صدى صوت النغم قبل عزفـه
بالصدر طفلٍ يسحـب خطـاه بركاد = وبالعجز ريحٍ يرعب الكـون عصفـه
وبالناس لي انصاف واقران واضـداد = وكـلن يفسرنـي علـى قـد عرفـه
لي صدفةٍ احلى مـن الفيـن ميعـاد = ولي موعد احلى من الفيـن صدفـه
وبي جرح ماله غير نزفه له ضمـاد = وشلون اطـيـّب ؟ ولابعد كّـف نزفـه
أصدق من الدمعه على خـد بغـداد = واكذب من اللي شافها وغض طرفـه
أوضح من الشيمه على وقت الاجداد = واغرب من اللي يزيده غموض كشفه
واللي بعث هود لـ .. ارم ذات الاعمـاد = إنا بزمن يشبه زمـن عـاد وصفـه
غربه . وهم . حيره . ألم . هم . واجهاد = طالـت وضاقـت نسـأل الله لطفـه
ويابنت انا طارق مثل طارق زيـاد = لولا الذي قضـّبنـي الجمـر كفـه
والله يالولا خاطـر عيـون الاوغـاد = لاقطف لك اللـي ماتمنيـت قطفـه
لعـلّ مايقـدح علـى كفي زنــاد = لاسقيتكـن بعـد الضمـا ذلّ وطفـه
قالت من انت ؟ وقلت يابنت الاجواد = انا القـوّي اللـي قتـل فيـك ضعفـه
وانا السهير اللـي تعـداك نشّـاد = يطرد نهار ويلهـث الصبـح خلفـه
نجمه يغيب وضيعتـه فيـك تـزداد = ولااشعل سراجه يصرخ الليل طفـه
سجين هم ولابـس ثيـاب جـلاد = نصفه ذبيح وذابح الموت نصفـه
تلميذ مهمل يشرح الدرس ل استاد = بليد واذكى مـن تلاميـذ صفـه
وانا الموقع أسمي ادناه من غـاد = الشاعر اللي طـوّع الشعـر حرفـه
اصعب حروفي لاركب راسـه عنـاد = يلّذ لـي لاهــّود الليـل عسفـه
أعزف لموتـي اغنية عيـد ميـلاد = واسمع صدى صوت النغم قبل عزفـه
بالصدر طفلٍ يسحـب خطـاه بركاد = وبالعجز ريحٍ يرعب الكـون عصفـه
وبالناس لي انصاف واقران واضـداد = وكـلن يفسرنـي علـى قـد عرفـه
لي صدفةٍ احلى مـن الفيـن ميعـاد = ولي موعد احلى من الفيـن صدفـه
وبي جرح ماله غير نزفه له ضمـاد = وشلون اطـيـّب ؟ ولابعد كّـف نزفـه
أصدق من الدمعه على خـد بغـداد = واكذب من اللي شافها وغض طرفـه
أوضح من الشيمه على وقت الاجداد = واغرب من اللي يزيده غموض كشفه
واللي بعث هود لـ .. ارم ذات الاعمـاد = إنا بزمن يشبه زمـن عـاد وصفـه
غربه . وهم . حيره . ألم . هم . واجهاد = طالـت وضاقـت نسـأل الله لطفـه
ويابنت انا طارق مثل طارق زيـاد = لولا الذي قضـّبنـي الجمـر كفـه
والله يالولا خاطـر عيـون الاوغـاد = لاقطف لك اللـي ماتمنيـت قطفـه